Vigdísarstokkurinn til sölu um allt land í verslunum og hjá sölufólki

Vigdísarstokkurinn, spilastokkur til styrktar alþjóðlegum verkefnum Barnaheilla – Save the Children, er til sölu í verslunum víðsvegar um landið. Sölufólk gengur einnig í hús og selur spilastokkinn fyrir utan verslanir og verslunarkjarna dagana 27. ágúst – 5. september.

Sölufólk á höfuðborgarsvæðinu og á Akureyri hefur stokkinn til sölu. Auk þess eru skátar í Árbúum og Skjöldungum, barnastarf Hattar á Egilstöðum og Vestra á norðanverðum Vestfjörðum, Fimleikadeild Akraness, Skíðafélag Strandamanna á Hólmavík og nemendur Listdansskólans Plié að selja stokkinn sem hluta af fjáröflun sinni.