Skjól frá átökum fyrir börn á Gaza

Þessi Heillagjöf styður við starfsemi barnvænna svæða á Gaza. Þar fá börn umönnun, fræðslu og tækifæri til að vera börn – þrátt fyrir erfiðar aðstæður.

Hvað eru barnvæn svæði?

Barnaheill – Save the Children reka átta barnvæn svæði á Gaza og tíu til viðbótar í samstarfi við önnur samtök. Þar fá börn öruggt skjól, tækifæri til að leika, læra og vinna úr áföllum. Veittur er sálrænn og félagslegur stuðningur til að draga úr áhrifum stríðs og streitu. Börn fá leikföng, fræðslu og skapandi verkefni sem hjálpa þeim að endurheimta gleði og von.