Opinn fundur um þróunarsamvinnu á viðsjárverðum tímum

Þriðjudaginn 1. apríl verður opinn fundur í Þjóðminjasafninu þar sem rætt verður um mikilvægi þróunarsamvinnu á viðsjárverðum tímum. Fundurinn er á vegum Höfða friðarseturs Reykjavíkurborgar og Háskóla Íslands, UNICEF á Íslandi, UN Women Ísland, Rauða krossins og Barnaheilla.

Á fundinum verður fjallað um hvernig þrengt hefur að stuðningi við þróunarsamvinnu og það bakslag sem við stöndum frammi fyrir í mannréttindamálum í heiminum. Hvaða áhrif hefur þessi þróun á frið og stöðugleika á heimsvísu? Hverju hefur þróunarsamvinna skilað og er sá árangur nú í hættu? Hvert er mikilvægi Íslands og hinna Norðurlandanna sem gjafaríkja til þróunarsamvinnu og málsvara mannréttinda á alþjóðavettvangi?

Isabel Burchard, sem fer fyrir UNICEF Nordic donor relations og Stella Samúelsdóttir, formaður þróunarsamvinnunefndar og framkvæmdastýra UNWomen flytja erindi.Að erindum loknum setjast þær í panel ásamt Gísla Rafni Ólafssyni, framkvæmdastjóra Rauða krossins á Íslandi, Svanhildi Þorvaldsdóttur, dósent við stjórnmálafræðideild Háskóla Íslands og Tótlu Sæmundsdóttur, framkvæmdastjóra Barnaheilla – Save the Children á Íslandi. Fundarstjóri er Pia Hansson, forstöðumaður Höfða friðarseturs.

Fundurinn er opinn öllum og fer fram á ensku.