Armbönd 2024

Haustsöfnun Barnaheilla er fjáröflunarleið Barnaheilla til styrktar erlendu starfi samtakana. Með kaupum á armböndunum styður þú við vernd barna gegn ofbeldi. Fjármagnið sem safnast nýtist meðal annars til aðstoðar við börn sem gengið hafa til liðs við vígahópa á átakasvæðum, til að koma undir sig fótunum á ný, við veitum stúlkum öruggt umhverfi til menntunar, þjálfum kennara í jákvæðum kennsluaðferðum og virðingarríkum samskiptum, hjálpum börnum sem brotið hefur verið á að leita réttar síns og að ná fram réttlæti og viðveitum börnum á átakasvæðum geðheilbrigðisþjónustu, svo fátt eitt sé nefnt.

ath. að öll armbönd í vefverslun eru send á uppgefið heimilisfang

Sala armbandanna er haldin í fjórða sinn og er að þessu sinni hægt að velja á milli þriggja mismunandi armbanda.

Framleiðsluferli armbandanna

Armböndin sem seld eru í Haustsöfnun Barnaheilla 2024 eru gerð af handverksfólki sem starfa á Lumley Beach markaðnum í Freetown, höfuðborg Síerra Leóne. Með framleiðslunni leggja Barnaheill áherslu á sjálfbærni, atvinnusköpun, jafnréttismál og umhverfismál.

Þetta er þriðja árið í röð sem Barnaheill selja umhverfisvæn armbönd unnin af handverksfólki í Síerra Leóne. Þetta árið voru framleidd 10.000 armbönd og eru þau gerð úr kaffibaunum. Framleiðsluferlið tók um einn  mánuð og fékk handverksfólk laun sem samsvaraði árslaunum fyrir vinnu sína.

Halla Tómasóttir forseti fékk afhend fyrstu armböndin í haustsöfnun barnaheilla