Hvernig hjálpum við börnum í hitabylgju? 8 gagnleg ráð fyrir foreldra

Sumarið er tíminn þegar margar fjölskyldur halda til sólarlanda. Nú er hitabylgja í kortunum í Evrópu og því mikilvægt að hafa í huga að ung börn eru sérstaklega viðkvæm fyrir miklum hita.

Hér eru nokkur gagnleg ráð frá sérfræðingum Barnaheilla – Save the Children um hvernig þú getur tryggt öryggi barnsins þíns í hitabylgju.

1. Verið upplýst

• Fylgist með veðurspám og fréttum af stöðu mála í staðarmiðlum.
• Farið eftir leiðbeiningum frá yfirvöldum á staðnum.

2. Forðist sólina ef þið eruð úti

• Klæðist fötum úr léttum og ljósum efnum sem hleypa lofti í gegn (bómull er góð).
• Notið sterka sólarvörn sem ver bæði fyrir UVA og UVB geislum.
• Finnið skugga, notið húfur og regnhlífar til að verjast sólargeislum.

3. Drekkið nóg af vökva

• Munið að drekka nóg af vökva, alveg óháð virkni.
• Dökkt þvag getur bent til ofþornunar.

4. Haldið vistarverum köldum

• Lokið gluggum á daginn þegar það er heitara úti en inni.
• Dragið gluggatjöld fyrir alla glugga til að halda hitanum úti.

5. Hægið á ykkur

• Dragið úr, hættið við, eða frestið afþreyingu sem krefst mikillar áreynslu. Veljið svalasta tíma dagsins fyrir virkni.
• Sjáið til þess að börn fái næga hvíld, sérstaklega eftir að hafa verið virk.

6. Sjáið börnum fyrir afþreyingu

• Börn geta orðið kvíðin eða eirðarlaus af því að vera inni.
• Skipuleggið skemmtilega afþreyingu og leiki innandyra og takmarkið skjátíma á sjónvarpi, síma og spjaldtölvu.

7. Kælið ykkur niður til að forðast ofhitnun

• Hjálpið börnum að lækka líkamshitann með því að fylla bala með köldu vatni og setja þau í fótabað.

8. Kynnið ykkur helstu einkenni hitatengda sjúkdóma

•  Lærið að þekkja einkenni hitatengdra sjúkdóma eins og sólsting, hitaslag, þreytu, krampa og alvarlegan sólbruna.
• Ef börn sýna þessi einkenni leitið tafarlaust til læknis.
• Forðist þessar hættur með því að grípa til viðeigandi ráðstafana!