Barnaheill bjóða upp á námskeið og fyrirlestra þar sem hægt er að öðlast þekkingu og fræðslu og bæta verklag í forvörnum gegn ofbeldi á börnum.
Fræðsla og upplýst umræða er besta forvörnin þegar kemur að kynferðisofbeldi gegn börnum. Opin umræða stuðlar að því að við sem samfélag verðum betur í stakk búin til að takast á við og koma í veg fyrir óæskilega hegðun. Kynferðisofbeldi gagnvart börnum er alvarlegt, það er alþjóðlegt vandamál og vitundarvakning, fræðsla og forvarnir eru afar mikilvæg tæki í baráttunni gegn því.
Börn bera aldrei ábyrgð á því ofbeldi sem þau verða fyrir eða horfa upp á og það á aldrei að líðast.
Fræðslumolar fyrir fullorðna
Fróðleikur og ráðgjöf fyrir fullorðna um hvernig megi bregðast við, tala upphátt um kynferðisofbeldi, fræðast, hlusta og senda skýr skilaboð til barna um að þau fái stuðning ef þau segja frá ofbeldi.
FRÆÐSLUMOLAR FYRIR UNGMENNI
Hefur þú spurningar varðandi kynheilbrigði, sambönd, samskipti eða jafnvel ofbeldi? Hefur þú áhyggjur af kynferðislegum hugsunum þínum? Hér má finna ýmsar vangaveltur og svör við pælingum ungs fólks.
FRÆÐSLUEFNI
Fimm Evrópulönd tóku höndum saman að efla forvarnir gegn kynferðislegri misnotkun á börnum. CSAPE verkefnið hefur náð mikilvægum árangri í að vekja athygli, fræða hagsmunaaðila og styrkja bæði fagfólk, börn og ungmenni í baráttunni gegn kynferðislegri misnotkun á börnum.
FRÆÐSLA & RÁÐGJÖF Í BOÐI
Markmið Heillabrautar er að fækka kynferðisbrotum gegn börnum og ungmennum. Það viljum við gera með fræðslu og stuðningi við börn og ungmenni, foreldra og fagfólk, öllum til heilla. Hér má finna upplýsingar um fræðsluerindi og námskeið í boði árið 2025.
KYNFERÐISBROT MILLI SYSTKINA
Upplýsingar fyrir foreldra, forsjáraðila og fagfólk um kynferðisbrot milli systkina.