Sjálfbærni í starfsemi og verkefnum Barnaheilla
Barnaheill – Save the Children á Íslandi vinna ötult að því að mannréttindi barna séu virt. Með Barnasáttmálann og heimsmarkmið Sameinuðu þjóðanna að leiðarljósi hafa helstu áherslur verið að standa vörð um réttindi barna, barátta gegn ofbeldi á börnum, heilbrigðismál og að efla áhrifamátt barna í samfélaginu.
Sjálfbær þróun er leiðarstef heimsmarkmiða Sameinuðu þjóðanna sem byggist á jafnvægi milli efnahagslegra, félagslegra og umhverfislegra þátta. Meginþemu heimsmarkmiðanna eru mannkynið, jörðin, hagsæld, friður og samstarf og ef vel tekst til næst markmiðið um að bæta líf allra jarðarbúa og umhverfi. Framtíðarsýn heimsmarkmiðanna er sjálfbær veröld þar sem er jöfnuður, mannréttindi eru virt, hungri og fátækt hefur verið útrýmt og friður ríkir.
Sjálfbærni er rauði þráðurinn í öllu starfi og verkefnum Barnaheilla – Save the Children á Íslandi, innlendum sem erlendum.